Abdussalam Abubakar ga Tinubu: Ƴan Nijeriya fa na son ganin canji na gaggawa

T


sohon shugaban kasa, Abdulsalami Abubakar, ya bukaci gwamnatin tarayya da ta kara himma wajen kawo sauyi a kasar, yana mai cewa ƴan Najeriya na son ganin an samu sauyi cikin gaggawa.


Abubakar ya bayyana haka ne a lokacin da ministan yada labarai da wayar da kan jama’a, Mohammed Idris, ya kai masa ziyarar ban girma tare da tsohon shugaban kasa, Janar Ibrahim Babangida a Minna a jiya Lahadi.


A cewar wata sanarwa da mataimakin daraktan yada labarai da hulda da jama’a na ma’aikatar yada labarai da wayar da kan jama’a, Suleiman Haruna ya fitar, Abubakar ya taya ministan murnar nadin nasa.


Yayin da yake bayyana kwarin gwiwa kan yadda ministan zai iya daga darajar gwamnati a wannan mawuyacin lokaci, Janar din mai ritaya ya ce: “aikin kakaki aiki ne mai wuyar gaske, domin tallata martabar gwamnati a cikin mawuyacin hali.


“Gwamnatin ta fuskanci yanayi mai matukar wahala kuma ta gaji kalubale da dama ta fuskar tattalin arziki, tallafin man fetur, da kuma tsaro.


“’Yan Najeriya, a matsayinsu na al’umma, suna son a samu sauyi cikin gaggawa. Don haka, sakona gare su shi ne su hada kai da gwamnati domin shawo kan wadannan kalubale,” in ji tsohon shugaban kasar.

Comments

Post a Comment

Popular posts from this blog

Tirabunal ta tabbatar da Natasha a matsayin wacce ta lashe zaɓen majalisar dattawa na Kogi ta tsakiya

Image
Kotun sauraren ƙararrakin zaɓe da ke Lokoja, a yau Laraba ta tabbatar da nasarar zaɓen da Natasha Akpoti-Uduaghan ta yi na mazabar Kogi ta Tsakiya a Majalisar Dattawa, ƙarƙashin jam'iyar PDP. Shugaban Tirabunal ɗin, Justice K.A. Orjiakoin, a hukuncin da ya yanke, ya ce Natasha ta samu kuri'a 54,064, inda ta doke abokin takarar ta Sadiku Ohere wanda ya samu kuri'a 51,291. Orjiakoin ya kuma umarci Ohere da ya biya Natasha Naira dubu 500 kuɗin da ta kashe kan ƙarar da aka shigar da ita.
Read more

Ma'aikatan lafiya dubu 400 sun yi kadan a Nijeriya, in ji ministan lafiya

Image
Ministan lafiya da walwalar al'umma, Ali Pate, ya ce ma'aikatan kiwon lafiya 400,000 a Najeriya ba su isa ba wajen biyan bukatun kiwon lafiyar ƴan Najeriya. Pate ya bayyana hakan ne a lokacin da yake zantawa da manema labarai a ranar Asabar a Abuja, bayan ganawar kwanaki uku da ya yi da sassa da hukumomin da ke karkashin ma’aikatar. Ma'aikatar ta shirya taron ne domin fitar da wani tsari na tsarin kiwon lafiya a Najeriya. A cewar Pate, ma’aikatan fannin lafiya dubu 400,000 sun hada da ma’aikatan kiwon lafiya na al’umma, ma’aikatan jinya, ungozoma, masu hada magunguna, likitoci, masana kimiyya, masu fasaha da kuma mataimaka masu aiki a tsarin kiwon lafiyar Najeriya. "Ba su isa ba idan kuna tunanin cewa wannan adadin zai iya kula da mutane miliyan 220. Tsarin likitanmu ga jama'a ya yi ƙasa da abin da Hukumar Lafiya ta Duniya ke tsammani. “Don haka har yanzu akwai sauran damar samar da ƙari har ma a samu tara saboda a duniya, akwai karancin ma'aikatan kiwon lafiya...
Read more